قانون طواري
لحامد بن محمد الشريف
غرّة ربيع الاول 1433هـ
من رماني رميته ..... ومن نخاني كفيته
ومن عزمني عزمته ..... ومن جفاني جفيته
ومن وصلني وصلته ..... ومن سلاني سليته
وما اتبع انسان مقفي .... ولا أقول يوم ليته
هذا قانون طارئ ..... وذاك الاول طويته
راح وقت المبادئ ..... ما بقي غير صيته
وجا لنا وقتٍ أقشر .... يمنعك من عطيته
ويقطعك من وصلته ..... ويخلفك من هقيته
وقت لا شكّ أغبر ..... يا أكَلْك أو كليته
وان تجامل وتصفح ..... باعك اللي شريته
راح وقت التسامح ..... ودرب ليّن مشيته
وبارفع اليوم صوتي ..... لين ينذاع صيته
ومن كواني بهرجه ...... في قفايه كويته
واختم القول هذا ..... بعد ماني بنيته
بالصلاةِ على احمد ..... سيدي واهل بيته
