سـبحان ربي خالـق الناس أجناس = ناسٍ تكانه وناس من أبغض الناس
ناسٍ معـادنها ذهـب حُـرٍّ والـمـاس = وناسٍ بـراده تجرح الخلق والناس
ناسٍ لها في الخيـر رزّه ونـومـاس = وناس لها في الـشّـر ما يبثر الناس
ناس تحطّك بالمحـبّه عـلى الـراس = وناسٍ بغيضه ما تشوفك من الناس
ناسٍ لهـمـك في الـمـلمـات متراس = وناسٍ ولا تحفل لهـمّك كما الناس
ناسٍ إذا ما طحت ضمتك باحساس = وناسٍ ولا همها طيحتـك في الناس
وناسٍ تقول لك لو تأذيت لا باس = وناسٍ عليك تْضحـك الكون والناس
ألفرق واضح بين مكه ومكناس = والـفـرق واضـح بين ناسٍ معـا ناس
والختم صلوا عد ما حج من ناس = عـلى نبينا ســيـد الـخـلـق والـنـاس