حـييّــت يا قـصـر ٍ على العـز مـبـنـــــاه = قــصـر ٍ شـمـوخـه من شـمـوخ الــرجـالي
قصر ٍعلى العليا تسامت زواياه = تـاريــخ واضـــــح مـايـبـيـــــله جـــــدالي
مـنهـو تـذّرابـه من الخـلق ذرّاه = مـــــزبان من ضدّتــــه قـُشـر الليالي
ياكـم ريّــس قـوم جاله و حـيّـاه = يــطلب رضا راعـيه ولاّ نـــــوالي
وياكم جـيـش ٍ سـار والـرعـب يـبــراه = من تحت ظـلـّه هـزّ صُــــمّ الجبالي
مـرحـوم يـا أمـيــر ٍ عـلى الطـيـب علاّه = مهما يطول الوقت فـالـذكـر عــالي
ابن الحسين اللي تنومس طــراياه = خـلا ّ عــصـاة القوم لأمـره تــوالي
اتـهـابه الصدقان و تــرضـخ لــه اعداه = ولـو هـو عـصـا ما حـَلْ راع الجمالي
فــ حـجـازنا و الشام له مجد سوّاه = ومع ثورته ثار اليمن و الشمالي
تــزهـابه الـعـربـان و الـتـرك تخشاه = حتّى الخواجه قال : ذا ماجـرالي
و الـحُـــر عــقــّبـلـه حــــرار ٍ حــلايـاه = ولا مات منهو قال :لا يـاعـيــالي
ويانعم ياالـحـرّث طحاطيح و دهاه = وعــزّهـم مـازال ..والـعـهــد زالي
منهم أبــو مـشـهــور و محسن عرفناه = واخـوانـه اللي يحتمون التوالي
ومـنــهـم ابـن عـريـد و الخـلـد مـثواه = وهـزّاع و عـيـاله ذيـاب الـمـفـالي
وذوي مـهـنـّا وابن حـمـزه و جـَبْـرَاه = وذوي علي و بـركات راع المقالي
والـيـابـسي و الناصري مـانـسـيـناه = ولاد الـكـريـمي ولاد بـاز ٍ في بالي
الكل منهم ما تضعضع في مبداه = ومَرْسَى قـتاده.. كم حَـمَـتـه السِّلالي
وآنا ولد لابه ولي مجد مع جاه = ومـعـَـرَّب الـجَـدّيــن عــمٍّ وخــالـي
أمشي على الناموس وآقول يا الله = حـشيـم .. وآآآحـشّـِم كـرام السبالي
وربعي ذوي شـنـبر حــيـــود ٍ مـرسَّاه = ماهــزّها ريـح الصبا و العـوالي
صديقها محشوم و الجار تحماه = والضيف له وِزْعَه..معا طيب فالي
كم عايل ٍ ضدّوه و الموت وافاه = والزود عـادتـهـا مـنــوّل و تـالي
ركن اليمن..بالسيف الأملح ملكناه = واِلْـنـَا في جـال الـشـرق ذِكــر و فـعـالي
وحليب فـِتـْـنـَـه كل أبونا رضعناه = و حسن بن آبو نمي جَـدٍّ مُوالي
وآنا أحمد الله دوم وأطلبه فرضاه = اللي جمع قوم النسب و المعالي
يومه جمعني بالرجال المسمّاه = وأشراف.. ما فينا لصيق ٍ و جالي
أشــراف لي عِـزوه وتـاريخ نـقـراه = أشـراف..وإنْ ثـار الـمـَـلـَح ما تـبـالي
من الحديده لين بغداد و حِماه = للشام وأطرافه.. حكومه و والي
نحمي حرم مكه وطيبه ومن جاه = والقدس وأكنافه.. حَكـَمه الطـَّلالي
من عهد ابن سفيان ومن كان يالاه = ودولة بني العبّاس وعهد الموالي
ومدّة بني عثمان.. كم قـيف نحماه = لين السعـودي قـَـرَّها باعـتـدالي
وقـت ٍ مضى كل ٍ تـشـبّـعـه يـمـنـاه = واليوم باح الفعل و الشر حالي
وفعل الهواشم لو نبا ..ما حصيناه = آل النبي و قريش مرجع و آلي
وباقي القبايل.. مالها ذم لله = كـل ٍ وله فـعـلـه وربـعـي ظـلالي
واليا افتخر رجل ٍ بربعه و لمناه = قولوا حصل بعد العداله مـيـالي
والـقـصـرهـذا..هـَــيـَّـض الـبال رؤيّـَــاه = وجـبـت الـذي يـــــا ربــعــنـا مـاطــرالي