الحارث
الشريف شاكر بن سلطان بن محمد، أبو هزاع آل مهنا الحارث، الشاعر

باسم الإله الخاق المتبصر=أهل لتقديس و بالحسنى حري
و الحمد و الشكر العميم لربنا=فهو المهيمن ذو العطا المتدبر
إن كان عيب المرء سوء كلامه= يكسى لأخمصه فيظهر معتري
أنا لا أقول بأنني متنبىء =أو أنني أدركت شعر البحتري
لكنني متمرس غي صوغها = فطلابها عندي و عندي دفتري
أحصيت ربحي في الحياة و مخسري =فوجدت جل مكاسبي من معشري
قومي تربى الخير وسط ربوعهم=فمدحتهم من فوق رأس المنبر
قوم هم الأشراف أشرق ذكرهم= فالأرض تشهد و الفضا و المشتري
أفعالهم بالخير قد شهدت لها= أهل العروبة بل و أهل المهجر
فهمو الذين تكرموا و تعلموا =وهمو الأوائل كالسراج المنور
فغلامهم صلد و هذا شيخهم = نحو المعالي مشيه مثل الجري
في مدحهم ماذا يقول معلم ؟ = قذ كان دوما في المدائح ينبري
لا لن أبالغ عند قولي أنهم = أصل العراقة لا فلست بمفتري
قد ألف الله القلوب لحبهم = فالتم شمل كالسحاب الممطر
يا قوم إن القلب يفرح فرحة= بلقاء شطريكم فأنتم مفخري
يارب فاجمع أهلنا بنبينا= متقابلين على ضفاف الكوثر
و ختامها صلى الإله على الذي = عابو يوما وهْو تالله البري

أنا ماني بخيل الحس و لاني ميت الأحساس = و لاني شخص متكبر و لا بالحيل متعالي
و ترى ماني ذليل النفس لا واللي خلق هالراس =عزة نفس وارثها من أعمامي و من أخوالي
تشوف الجسم متناحل تحسبني أقل الناس =و أنا و الله لي قدر رفيع و منزل عالي
و دنيانا تفرح يوم و يوم تكتم الأنفاس = و لن مالت بأهاليها رشيد العقل ما مالي
يرفع هالزمن بغراب و الاه الحر و القرناس =و يخفض ذيب لين الشاه على ذا الذيب تحتالي
يحوس اللي عظيم أصله و الرابح خسيس الساس = و لد اللاش يوم الله عطاه فلوس و أموالي
إذا ماني عزيز النفس وش ينفع ذهب و ألماس =تموت رجال و تورث و عزيز النفس ما نالي
وش ورث كليبٍ يوم بغدره صوبه جساس= سوى أفعاله و لا يبقى سوى أفعالنا تالي
ألا يالله ياربي يا حيٍ تعلم الهوجاس = يا رب الخلق يا واحد لك التقديس و إجلالي
يا منانٍ و يا رحمن و خلقك كله بمقياس =و كاف و نون من قولك يا رب العرش يا والي
اغفر ذنب من ربى هالكاتب على قرطاس= و ذنبي و ذنب أخواني بغير رضاك مانبالي
و عوضنا عن الدنيا بفردوس ابد ما انداس =فقير الحال مع أهلي قريب تسمع أقوالي
و صلى الله على محمد عداد الخلق و الأجناس =و عدد ما هلت بماها و عدد ما سيلها سالي

في النــاس و الدنيــا كثير التعاجيب =و في صاحبك تلقى عدوك أحايـيـن
و تلقى من أهل الطيب شر(ن) بعد طيب =و تلقى علاجك في يدين الشياطين
و يوفيك من غدره بليا تسابيب= و يغدرك من محسوب من ناس وافين
و تلقى معاني الود بديار أجانيب=و تلقى عداوة بين ربع(ن) قريبين
يا ذيب لا تعدي على الذيب يا ذيب=و لو كنت ذيب(ن) ما ذكر في الميادين
يا ذيب عاين فالهدف دون تجنيب=لا تخطي المقصود و تغدي بلا عين
يا ذيب ما جا نبي دون تكذيب= و لا يومن الا اللي على الخير ناوين
ما للذيابه في الذيابه مطاليب=و اذكر قوي(ن) دوم فوق القويين
و ما كل صقر يفترس بالمخاليب=و لا كل زين وجبه شرع أو دين
يا كم شباب غدا دون تصويب=شلناه في نعش(ن) و صرنا معزين
و يا كم عود(ن) كسى راسه الشيب=عاش الحياه أيام و شهور و سنين
و يا كم لاش(ن) مالي الكف و الجيب=ذاق النعيم أشكال و الناس دارين
و يا كم شيخ(ن) قمله الفقر ترحيب=و يموت قبل يشوف وضع الغنيين
يا الله يا معبود يا عالم الغيب=يا الغافر الديـّان يا مقضي الدين
اشفي مريض(ن) ما لقوا له تطابيب=و ارزق ضعيف(ن) جاع وسط الملايين
و احمي يتيم(ن) ما لقى له معازيب=لعبت به الأيام لعب السفاهين
حياتنا خيمة و صرنــا مناسيب= ما في الحياة إلا اختلاف المضامين
و مافي الحياة إلا الشقاء و التعاذيب= و لا في الحياة إلا النــكد للسعيدين
قاله لسان يعربي ما نطق عيب=أصله شريف و ما تعب في البراهين
و صلاة ربي عد سهل و مصاعيب=على النبي و أصحاب غر(ن) ميامين

بقلم
الشاعر شاكر الحارث
البريد الالكتروني: shaker.s@hotmail.com