الرسي
الشريف عبدالله بن محمد بن أحمد آل زهر الرسي الحسني، الأديب الشاعر

إي نـعـم يــا بــو عـلـي .. يــا نـبـض قـلـبـي مــــا إحـتـمــل قـلـبــك زمــانــاً تـعـبــك
إي نــعــم فـإخــتــارك الـمـولــى وربـــــي لـ.. طــلــب لُـقـيــا عــبـــد(ن) قــربـــه
واقـتـربـت مـــن الـكـريــم الــلــي يـلـبــي حـاجــة الــلــي كُــــل يــــوم(ن) يـطـلـبـه
وابـتـعـدت مـــن الـزمــان الــلــي يـخـبــي كُــــل يــــوم(ن) حـــــادث(ن) مـانـرغـبــه
صــرت يــا ابـونـا بـفـوتـ(ن) وانـــت جـنـبـي مــا اصـعــب فـراقــك علـيـنـا مـــا اصـعـبـه
كُــل حـظــن(ن) ظـمـنـي بـعــدك رجـمـ..بــي وإن حـظـنــي صــــرت أخــافــه وأرهــبـــه
لــو تـرانـي واقــف(ن) مـــن هـــول خـطـبـي مـثــل عـــود(ن) ينـتـظـر مــــن يـحـطـبـه
واتـخـبـط فـــي الـسـكـك مـــن زود غُـلـبــي مـثــل طـيــر(ن) مـــات شـيــخ(ن) دربــــه
آآآآآآهـ.. آآآآآآآهـ.. آآآهـ.. لو تدري وداعك ويش فعل..بيآآآآآهـ.. يــا مـــا أقـــوى كـلامــك وأعـذبــه
إي نـعــم حـسـبـي مـــن الــلــذات حـسـبــي ويـــن يـسـلـى خــاطــري بــعــدك يُــبــه
ويــن يـسـلـى وانـــت فـــي قـلـبـي ولُـبــي فـــي عـيــون(ن) دمـعـهــا لــــك تـسـكُـبـه
آتـذكــر سـيـرتَــك مــــن حــــد قُـطـبــي طـيــب(ن) وأنـــا أشــهــد إنــهــا طـيـبــه
كُلـهـا بــذل وعـطـى مــن يــوم أنـــا أحـبــي وانــــت تـعـطــي .. يـاعـظــه .. يـاتـجـربـه
كـــم جـعـلـت الـديــن فـــي زادي وشُــربــي وأتــعــهـــد بـســلــوكـــي مـــدربــــه
إي نـعـم وأنــا أشـهـد إنـــك نـــور .. دربـــي يــــوم أرى فــــي كُــــل درب(ن) مـنـشـبـه
إي نــعــم علـمـتَـنـي بــشـــروط كـســبــي يـــوم كُــــل(ن) مــــا يـهـمــه مـكـسـبـه
إي نـعــم وأَخـتــرت بـيــن الـنــاس رَكــبــي يـــــوم كُـــــل(ن) مـايـهـمــه مـذهــبــه
إي نـعــم يـاعـزوتـي فـــي يــــوم كــربــي يــــوم تعـطـيـنـي ولا تــرضـــى الـهــبــه
إي نـعــم وألـقــاك يـــوم الـضـيــق قُــربــي تـحـمــل هـمــومــي وهــمَـــك مـاأقــربــه
أشـهـد إنـــك كُـنــت لـــي خـيــر الـمـربـي وإن راســــي مــــن وصــايــاك اعُـصــبــه
إن حـصــل مـنــي خـطــى فـالـذنــب ذنـبــي والـصــواب أنـــا أشـهــد إنــــك مـنـسـبـه
أفتَـخـر يــوم أنـــت أبـــوي ومـنــك صُـلـبـي وأفـتـخـر لـ..قِـيــل بــــي مــنــك شــبــه
لـكـن أبـكــي كُـــل مـــا نـاظــرت عُـشـبـي يــابــس(ن) يـشـكــو الــزمـــان ويـنــدُبــه
يـاتُــرى هـــل مـاجــرى لـلـعُـشـب يُـنـبــي عـــن فـــراق(ن) مــثــل مــابــي شـيّـبــه
ينـتـقـص عـمــر الـزمــن ويــزيــد حُــبــي يـغـتـصـب قـلـبــي زمــانـــي وأغـصُــبــه
مـالـي إلا أصـبُـر عـسـى فــي الـصـبـر طـبــي وأتـعــلــل عــنـــد قــبـــر(ن) غـيّــبــه
ياسُـلـيـمـى عـانــقــي زيــنـــه وهــبـــي واطـلُـبــي الـمــولــى يــزيـــدة مـرتــبــه
عـابــدن يـــاالله ..لـفــى صــوبــك مـلـبــي يــــا الله إن تـعـلــي جـــــوارك مـنـصـبــه

لمه لمه يا راسـي الغالـي وأنـا أعـدّك لبيـب؟=يضحك عليك الشيـب ياراسـي وتحمـل مشعَلـه
يبـدأ يدغـدغ جانبـيّ ابـلا رقيـب ولاحسيـب=ويبتسـم ويقـول هـذا العز..هـذي المرجـلـه
وينتشر ما دمت له ياعـزوة الـروض الخصيـب=مـدري متـى سمّـى ولا أظنـه بـدأ بالبسملـه
لاهو يخاف من الصياح ولا يحـن مـن النحيـب=ولايبالـي تمـدحـه والا تكـيـل الشـتـم لــه
لاهـو عـدوّ ٍ تعرفـه ولا تظـن إنـه حبـيـب=لاهـو حميـم ٍ تعـذلـه ولا خصـيـم ٍ تقتـلـه
يقول أنا مثل الصبـا يقـول أنـا مثـل الحليـب=يقول أنـا كالزهـر الابيـض غايتـي ودّ وصلـه
وأنا اعرف إن الشوك الأبيض يجرح الكف الرطيب=بعض الزهور البيض لو جـادت تجـود بحنضلـه
الشيـب ماخـلا ردي والشيـب ماخـلا عريـب=أقول ساع ٍ ما أظلمه وأقـول سـاع ٍ مـا أعدلـه
الشيب ضيف ٍ لو نـزل لاهـو يمـل ولا يغيـب=وإن حل فـي راس الكريـم يزيـد حتـى يشملـه
وكل ما زاد البيـاض أخشـى سويعـات المغيـب=تـرى بيـاض السنبلـه يعنـي حصـاد السنبلـه
الشيب ماهو عيب لكن مافعل بـي الشيـب عيـب=لاهـو يطمّنـي ولـو طمّنـت ظـبـي ٍ جفّـلـه
ولو صبغت الشيب خانتني جذوعـه مـن قريـب=وأصبحت في عين الضبى غشّاش والدهر أهملـه
ما أبغا الفتاه اتقـول واعمّـاه يالشيـخ العجيـب=صوتك يقول إنك شباب وشيـب راسـك يخذلـه
ما ابغا يقولون أنـت شايبنـا ومحزمنـا القطيـب=مـدح ٍ يكـدّر خاطـري مـا سـرّه إلا علعـلـه
من يجتهد يا راسي الغالـي يجـد حـظ ونصيـب=وأنـا اجتهـدت وشيبـك يهلهـل كيانـي هلهلـه
ما ابغاك تُحبَس في شماغي كنك الكنـز المريـب=اذا حجبتـه معضـلـه واذا كشفـتـه معضـلـه
النـاس تثنـي عالعنـب ولا يذمّـون الزبـيـب=لكـنّ يبقـى للعنـب بــأول قطـافـه منـزلـه
أبكي على حالي ومن يبكي علـى حالـه مُصيـب=وأضحك على حالي ومن يضحك على حالـه دَلَـهْ
يسقي زمان ٍ كنت أنا فيـه المخاطـب والخطيـب=أقطف من الزهر أجمله وأنظم من الشعـر أغزلـه
واليوم أنا أعد الخُطا وأخاف مـن عيـن الرقيـب=ولو نظمت الشعر أخاف أخاف وإن قلـت أجزلـه
قد كان لي جسم ٍ نحيل وكان لي صـدر ٍ رحيـب=أسري ولو غاب القمر والهـم أبـد مالـي ولـه
واليوم أقول إني صحيح ومانـي ابعـد م الطبيـب=وأقول أنا مستانـس وصـدري حـراك وجلجلـه
كم كنت أغني ربمـا يطـرب لصوتـي العندليـب=أو ربما أغشى البحر ما أخـاف البلـل والبلبلـه
وأجعل مـن القاسـي مـذاب ولايذوّبنـي مُذيـب=ومنهجي فـي السابعـه والثامنـه فـي الزلزلـه
ولو نهاري غرّنـي أمسيـت فـي ليلـي منيـب=ولـو زمانـي ضرّنـي كسّـرت بيـدي معولـه
ولا يوقفنـي جبـل ولا يهـرول بــي كثـيـب=العاقـل إللـي مـا يقـف ولا يهـرول هـرولـه
أحد ٍ مشى فيها مرح وأحـد ٍ يـدبّ إبهـا دبيـب=وأنا قصـدت المشـي يكفلنـي زمانـي وأكفلـه
واليوم غيّرني الزمن كأني علـى نفسـي غريـب=لانـي قويـت أمضـي معـه ولا قويـت أفرملـه
آقـف وأنـا متماسـك ٍ لاكانـي اودي واجـيـب=الدهـر وإن مـا طيّـح الشامـخ تـراه ايململـه
حتى إختراعات الزمـن أشوفهـا لغـز ٍ عصيـب=من فاته قطار الزمـان أصبـح عـدو ومايجهلـه
ياراسـي الغالـي تشيـب اليـوم والا ماتشيـب=إللي يشوف أتلـى الزمـان يقـول يازيـن أولـه

كتبها
الشريف عبدالله بن حسن آل زهر الرسي الحسني
abdollah-hasan-al-shareef369@hotmail.com
والشريف إبراهيم بن منصور الهاشمي الأمير
Hashemi89@hotmail.com
الاحد 1/5/1430هـ