محاورة شعرية

السلام عليكم ورحمة الله وبركاته
هذه محاورة جرت بيني (ابو الياس) وبين خالي الشريف علي بن حمود الحارثي عند زيارتي لهم في عيد الفطر
أقول :
يا سلام الله عليكم والتحية بالسلامِ
جيت اعايد ياخوالي يوم شفت النار حيّه

ياربيعٍ سال سيله واهتنى فيه اليمامِ
يوم غرد هز ريشه لين وقّع جوف فيّه

قال
مرحبا في مرحبا باللي نظم قول وكلامِ
البناخي يدفن المعنى ولا يخفى عليّه

الربيع اللي تخيله لاح برقه فالغمامِ
ثم سيله حدّر الوادي ومروي للضميّه

وقلت
عاين العود اليباس اللي جرح راس السنامِ
ماقطعته لو حرق قلبي وزاد الحرق كيّه

وان زهمته ياودادي وان تركته ياغرامي
ماش ذيبٍ هرولت رجليه من دونات سيّه

قال
وش تعاين وش نقول الغصن له فرع ونوامي
ما يضر الغصن عود ايباس وعروقه رويّه

النظر خله بعيد ولا تقصّر فالخطامي
والذياب اذياب يوم الذيب ما ياكل خويّه

وقلت :
افتح الباب الموالي لا ترد الريح شامي
ما تغيب الشمس إلا بعد ما تشرق سنيّه

كل علمٍ بالكتب محفوظ من تاريخ سامِ
ما تفوح الدلّه ألا لو غلت بالشاذليّه

قال :
بابنا مفتوح ما ينصك لو هب العسامي
لو تغيب الشمس يقفاها شروق ومشرقيّه

كل علم الطيب ما يحكر على كبار الاسامي
كان نار الصيعري والجمر نيرانه قويّه

قلت :
لو ينام الذيب عينه كل يومٍ ما تنامِ
وان غدا في دبش قومٍ دوّر الشاة القصيّه

سامح الله من ترك ذيب الفلا والضرس دامِ
لو يعود الدرب يبكي مادرى بانه سميّه

قال :
ذيبك اللي تذكره لو هو تعرّض رمي رامي
ما وصل للدبش والراعي في كفه بندقيّه

سامح الله كل مخطي من مشى درب الحرامي
وانت كامل بالخصال وفيك خصله عنصريّه

وسلامتكم

#1

23-12-35 08:28 مساءً الشريف خالد بن عبد الله الجودي :

قلت :
لو ينام الذيب عينه كل يومٍ ما تنامِ
وان غدا في دبش قومٍ دوّر الشاة القصيّه

سامح الله من ترك ذيب الفلا والضرس دامِ
لو يعود الدرب يبكي مادرى بانه سميّه

قال :
ذيبك اللي تذكره لو هو تعرّض رمي رامي
ما وصل للدبش والراعي في كفه بندقيّه

سامح الله كل مخطي من مشى درب الحرامي
وانت كامل بالخصال وفيك خصله عنصريّه

(
ومن بعد غيبة يجود علينا
سيادة الشريف عبد الرحيم بن ناصر البركاتي بهذة المحاورة الرائعة )
أقول للشريف ( أبو الياس ) صح لسانك
وللشريف علي بن حمود الحارثي بيض الله وجهك

الرد على زائر

#2

23-12-35 10:01 مساءً الشربف ثامر الشنبري :

من أجمل المحاورات
والنعم فيك يا الشريف عيد الرحيم البركاتي
ووالنعم بالشريف علي الحارثي
ما قصرتو . الله يعطيكم العافية

الرد على زائر

#3

25-12-35 10:55 صباحًا عدنان محمد هاشم الشريف :

صح لسانك يا شريف وعلا شأنك أيها المبدع على نقل هذة المحاورة الرائعة منك ومن الشريف علي بن حمود الحارثي

الرد على زائر

مواقع النشر

روابط سريعة